Presidentja e Kosovës, Vjosa Osmani, ka uruar Pavarësinë e Shqipërisë dhe Ditën e Flamurit me një mesazh të fuqishëm kushtuar ngjarjeve më të rëndësishme të historisë shqiptare.

Ajo ka kujtuar se 28 Nëntori bashkon katër momente kyçe të krenarisë kombëtare: Ditën e Flamurit, Pavarësinë e Shqipërisë, ditëlindjen e Komandantit Legjendar Adem Jashari dhe daljen e parë publike të Ushtrisë Çlirimtare të Kosovës.

Postimi i plotë:

Dita e Flamurit, e Pavarësisë së Shqipërisë, e lindjes së Komandantit Legjendar Adem Jashari dhe e daljes së parë publike të UÇK-së, janë katër ngjarje që përbëjnë boshtin e krenarisë sonë kombëtare.

Nga Kruja e Skënderbeut, te Vlora e Ismail Qemalit dhe Prekazi i Jasharajve, historia jonë është shkruar me gjak, guxim dhe besim. Sot, Kosova e Shqipëria ecin krah për krah: dy shtete, një komb, dy flamuj, një zemër.

Gëzuar Ditën e Flamurit!

Gëzuar Pavarësinë e Shqipërisë!

Lavdi Komandantit Adem Jashari dhe të gjithë heronjve, dëshmorëve e martirëve të kombit tonë!/Arbresh.info